“Hamımızın gözlədiyi o günlərdən biri”

“Mançester Yunayted”in hücumçusu Kriştiano Ronaldo Çempionlar Liqasının 1/8 final mərhələsinin “Atletiko” ilə cavab oyunu ilə bağlı gözləntilərini bölüşüb.

Komanda.az xəbər verir ki, portuqaliyalı futbolçu “instaqram” hesabında “Atletiko” ilə matçı nəzərdə tutaraq, “hamımızın gözlədiyi günlərdən biri” yazıb:

“Hamımızın gözlədiyi o günlərdən biri. “Old Trafford”un niyə “Xəyalların teatrı” kimi tanındığını dünyaya göstərmək şanslarından biri. Gəlin son ev oyunumuzda gördüyümüz heyrətamiz atmosferi yenidən yaradaq və qələbə arzumuzu saxlayaq. Çempionlar Liqası! Biz “Mançester Yunayted”ik! Gəlin bunu birlikdə edək!”

Bu gün keçiriləcək “Mançester Yunayted” – “Atletiko” matçı saat 00.00-da başlayacaq. İlk oyunda 1:1 hesabı qeydə alınıb.