Ronaldo daha bir rekorda imza atıb

Portuqaliya millisinin hücumçusu Kriştiano Ronaldo karyerası ərzində 48-ci yığma komandaya qol vurub ki, bu da dünya futbolunda rekord sayılır.

Komanda.az xarici KİV-ə istinadən xəbər verir ki, o, bunu UEFA Millətlər Liqasında Şotlandiyaya qarşı oyunda reallaşdırıb.

Qarşılaşmanın 7-ci dəqiqəsində hesabda geri düşən Portuqaliya yğması sonradan 2 qol vuraraq əzmkar qələbə qazanıb. Qollardan birini məhz “Əl-Nəsr”in forvardı 88-ci dəqiqədə rəqib qapısından keçirib.

Bu, onun karyerasında 901-ci qol olub.

Portuqaliya – Şotlandiya matçı meydan sahiblərinin 2:1 hesablı qələbəsi ilə başa çatıb.