“Renn” baş məşqçisi ilə bağlı qərar verib

“Renn”in rəhbərliyi komandanın baş məşqçisi Xorxe Sampaolinin işindən narazıdır.

Komanda.az “Ekip”-ə istinadən xəbər verir ki, argentinalı mütəxəssis tezliklə məşqçi postunu tərk edəcək.

Sampaolinin qovulması ilə bağlı qərar artıq verilib. Bu yaxınlarda rəsmi olaraq elan olunacaq. O, noyabrın 12-dən Fransa klubunun baş məşqçisidir.

“Renn” Fransa çempionatının 19 turundan sonra 17 xalla turnir cədvəlinin 16-cı pilləsində qərarlaşıb. Komanda Liqa 1-in növbəti oyununda fevralın 2-də doğma meydanda “Strasburq”u qəbul edəcək.