“Komandada “1 nömrə”yəm, Kurtua məndən yaxşı deyil” – Beyl

“Real”ın futbolçusu Qaret Beyl qolf haqqında danışıb.

Komanda.az “Mundo Deportivo”ya istinadən xəbər verir ki, o, Madrid təmsilçisinin bir nömrəli qolf oyunçusu olduğunu deyib:

“Real”da yalnız iki nəfər qolf oynayır – mən və Tibo Kurtua. Komandada bir nömrəyəm, Kurtua məndən yaxşı deyil.

Bir golf turnirində iştirak etmək imkanı olanda bu şansdan istifadə edirəm. Atmosfer, tamaşaçılar, yaxşı hava, hamısı əladır. Əlbəttə ki, bütün qolfçular çox yaxşı oynayırlar.

Qolfçuların nə qədər təzyiq altında olduqları inanılmazdır. Futbol fərqlidir, çünki təzyiq də var, amma hakim də meydandadır. Qolf daha ağıllı bir oyundur. Hətta burda 80 min tamaşaçı olan bir stadiondan daha çox təzyiq hiss edirəm”.