“Real” “Mançester Yunayted”i məğlub etdi

“Real” yoldaşlıq matçında “Mançester Yunayted”i 2:0 hesabı ilə məğlub edib. Görüş Hyustondakı “NRG” stadionunda keçirilib.

Komanda.az xəbər verir ki, Madrid klubunun yarımmüdafiəçisi Çud Bellingem görüşün 6-cı dəqiqəsində “qırmızı şeytanlar”da debüt görüşünə çıxan qapıçı Andre Onananı məyus edərək, hesabı açıb.

İkinci hissənin sonunda “kral klubu” 62-ci dəqiqədə əvəzlənərək meydana daxil olan Xoselunun qolu sayəsində fərqi ikiyə çatdırıb.

Növbəti yoldaşlıq oyununda “Real” “Barselona” ilə (30 iyul), “Mançester Yunayted” isə Dortmund “Borussiya”sı ilə (31 iyul) qarşılaşacaq.