“Real” Mbappeni həmin vaxt transfer edə bilər

“Real” 2023-cü ilin yayında PSJ-nin futbolçusu Kilian Mbappeni transfer etməyə çalışacaq.

Komanda.az “La Gazzetta dello Sport”-a istinadən xəbər verir ki, 24 yaşlı futbolçu ilə PSJ arasında 2025-ci ilə qədər nəzərdə tutulan 630 milyon avroluq müqavilə “kral klubu”nun prezidenti Florentino Peresi qorxutmur.

Keçid baş tutarsa, “Real” PSJ-yə 150 ​​milyon avro, hücumçunun özünə isə müqavilə imzalandıqdan sonra əlavə olaraq, bonuslar təklif edəcək.

Mbappe 2022-ci ilin yayında “Real”a transfer oluna bilərdi. Amma son anda PSJ ilə müqavilə imzalayaraq, Liqa 1 təmsilçisində çıxışını davam etdirmək qərarını verdi.

O, bu mövsüm Paris klubunun heyətində bütün turnirlər daxil olmaqla 20 oyuna çıxıb, 19 qol vurub və 5 məhsuldar ötürmə edib.

Mbappe DÇ-2022-də Fransa millisinin heyətində 8 qol vuraraq, turnirin bombardiri olub.