“Real” keçmiş oyunçusunu geri qaytarmaq istəyir

“Real” yay transfer pəncərəsi üçün “Milan” və Fransa yığmasının müdafiəçisi Teo Hernandesi hədəfə alıb.

Komanda.az AS-a istinadən xəbər verir ki, Madrid klubu fransalı futbolçunu Ferlan Mendinin mümkün gedişinə əvəzləyici kimi nəzərdən keçirir.

Teo Hernandes əvvəllər də “Real”ın heyətində çıxış edib. O, 2017–2019-cu illər arasında “kral klubu”nun şərəfini qoruyub. Hazırda onun transfer dəyəri təxminən 40 milyon avro qiymətləndirilir.

27 yaşlı oyunçunun “Milan”la müqaviləsinin müddəti 2026-cı ilin ortalarına qədərdir. O, cari mövsümdə 46 oyuna çıxıb, 5 qol vurub və 6 məhsuldar ötürmə edib.