“Real” Keyn üçün hərəkətə keçdi

“Tottenhem”in hücumçusu Harri Keyn karyerasını “Real”da davam etdirə bilər.

Komanda.az “Marca” nəşrinə istinadən xəbər verir ki, “kral klubu” 29 yaşlı futbolçunun mümkün transferi ilə bağlı Premyer Liqa təmsilçisi ilə əlaqə saxlayıb.

“Real” Keyni komandanı tərk edəcəyi dəqiqləşən Kərim Benzemanın əvəzləyicisi kimi görür.

İngiltərə millisinin üzvü 2022/23 mövsümündə London klubunun heyətində bütün turnirlər daxil olmaqla 49 oyuna çıxıb, 32 qol vurub və 5 məhsuldar ötürmə edib.

Benzema dünən paytaxt klubu ilə son matçına çıxıb. O, 2009-cu ildən Madrid klubunda çıxış edirdi. Benzema “kral klubu”nda 647 oyun keçirib, 353 qol vurub və 165 məhsuldar ötürmə verib.