Rakitiçdən “Barselona”dakı taleyi ilə bağlı açıqlama

Cari mövsümün sonunda “Barselona”dan ayrılacağı deyilən İvan Rakitiç açıqlama verib.

Komanda.az İspaniya mətbuatına istinadən xəbər verir ki, 30 yaşlı yarımmüdafiəçi, Kataloniya klubundan ayrılmaq istəmədiyini deyib:

“İspaniyada yaşamağı sevirəm. Ailəm də Barselonada olmaqdan məmnundur, çünki Sevilyadan uzaqda deyilik. Burda qalmaq mənim üçün mükəmməl olar”.

İtaliya mətbuatında “İnter”in Rakitiçlə razılıq əldə etdiyi haqqında xəbərlər çıxmışdı.

“Barselona” ilə 2021-ci ilədək müqaviləsi olan xorvatiyalı futbolçu, bu mövsüm iştirak etdiyi 38 oyunda 4 qol vurub, 7 məhsuldar ötürmə edib.