“Qəbələ”nin yeni transferi “Sabah”la oyunda olacaq? – Açıqlama

“Qəbələ”nin yeni transferi İbrahima Niasse Premyer Liqanın 10-cu turunun “Sabah”la görüşündə iştirak edə bilər.

Bu barədə Komanda.az saytına klubun mətbuat xidmətinin rəhbəri Anar Hacıyev məlumat verib. O, seneqallı oyunçunun lisenziyası üçün sənədləşmə prosesinin başladığını deyib:

“PFL-dən lisenziya almaq üçün sənədləşmə prosesi artıq başlayıb. Niassenin lisenziyasının alınması prosesini sürətləndirib, “Sabah”la oyuna qədər çatdırmaq istəyirik. Ondan sonra oynayıb-oynamamasına baş məşqçimiz qərar verəcək”.

“Qəbələ” Niasse ilə mövsümün sonuna qədər müqavilə imzalayıb.

Noyabrın 3-də keçiriləcək “Qəbələ” – “Sabah” oyunu saat 17:00-da start götürəcək.