Qvardiola: “Klubların əksəriyyəti çoxlu pul xərcləyir, təkcə biz yox”

“Mançester Siti”nin baş məşqçisi Pep Qvardiola yay transfer pəncərəsi haqda fikirlərini bölüşüb.

Komanda.az xarici KİV-ə istinadən xəbər verir ki, o, heyətə qatmaq istəyib, lakin almadıqları futbolçuların adlarını açıqlayıb:

“Çelsi”nin son iki transfer pəncərəsində xərclədiyi pul qədər transferlərə ödəniş etmək istəsəydik, burada olmazdım, məni öldürərdiz. Bəli, bəli, öldürərdiz. Hər zaman bizi ciddi nəzarət, təzyiq altında saxlayardız. Öncə transfer bazarında nələrin baş verdiyini başa düşməliyik. Hansısa keçidlə bağlı razılıq əldə etsək, hər iki tərəf üçün ədalətli davranmağa çalışmalıyıq.

Harri Maquayrı istədik, lakin transfer etmədik, çünki sərbəstqalma məbləğini ödəmək istəmədik. Mark Kukurellanı transfer etmək istədik, lakin ödəniş etmədik. Aleksis Sançesi istədik, müəyyən edilən məbləği ödəmədik. Ən sonda layiq olana ödəniş edəcəyik.

Akademiyamız var: gələcək vəd etməyən futbolçu transfer etməyəcəyik. “Çelsi”ni tənqid etmirəm, sadəcə demək istəyirəm ki, biz də onlar kimi çoxlu transferlər etsək, işimi itirə bilərəm. Baxın, insanların düşüncə tərzini dəyişmək lazımdır. Klubların əksəriyyəti çoxlu pul xərcləyir, təkcə biz yox”.

“Çelsi”nin hazırkı sahibi Todd Boeli klubun başına keçdikdən sonra transferlərə 1 milyard funt-sterlinq xərcləyib.