Qvardiola Aqueronun zədəsi haqda: “Mənə ağrı hiss etdiyini söylədi, amma…”

İngiltərə Premyer Liqasının son turunda “Fulhem”ə 2:0 hesabı ilə qalib gələn “Mançester Siti”nin baş məşqçisi Pep Qvardiola, matçda zədələnən Serxio Aquero ilə bağlı açıqlama verib.

Komanda.az İngiltərə mətbuatına istinadən xəbər verir ki, ispan mütəxəssis, oyunun 57-ci dəqiqəsində zədələnərək meydanı tərk edən argentinalı futbolçunun vəziyyəti ilə bağlı danışıb:

“O, zədələndikdən sonra oyunu davam etdirmək istəmədi. Mənə ağrı hiss etdiyini söylədi, amma ümid edirəm ki, bu, ciddi problem olmayacaq. Zədənin nə dərəcədə ciddi olduğunu bu gün biləcəyik”.