Qurban Qurbanov: “Futbolçuların motivasiyası məni həddən artıq razı saldı”

“Qarabağ”ın baş məşqçisi Qurban Qurbanov bu gün “Keşlə”yə qarşı keçirdikləri yoxlama oyununu şərh edib.

Komanda.az xəbər verir ki, o, “Azersun Arena”da baş tutan və 7:0 hesabıyla qalib gəldikləri matçdan sonra bunları söyləyib:

“Hesabdan daha çox, ümumi oyun məni daha artıq maraqlandırırdı. Komandanı düşündüyümüzdən daha yaxşı gördüm. Çünki 10 gün idi ki, fiziki məşqlər həddən artıq çox idi. Bu gün meydanda daha sərbəst, daha rahat oynayan komanda gördüm. Futbolçuların oyundakı motivasiyası məni həddən artıq razı saldı. Həddən artıq diqqətli idilər. Bəzi kiçik problemlərimiz var, onu da tez bir zamanda aradan qaldıracağıq. Amma birinci mikrotsikldən razı qaldım”.