Tuxel: “Qisas almaq niyyətindəyik”

“Bayern”in baş məşqçisi Tomas Tuxel UEFA Çempionlar Liqasının 1/4 final mərhələsinin “Mançester Siti” ilə cavab oyunu haqda danışıb.

Komanda.az xarici KİV-ə istinadən xəbər verir ki, o, “şəhərlilər”dən qisas almaq istədiklərini bildirib:

“Diqqətimizi həmin oyuna cəmləyəcəyik. Bu, qeyri-mümkün bir iş kimi görünə bilər, amma futbolda mümkün olmayacaq bir şey yoxdur.

Cavab qarşılaşmasından öncə özümüzü enerji dolu hiss edirik. Qisas almaq niyyətindəyik. Ölkə çempionatının “Hoffenhaym”la görüşündə yaxşı nəticə qazanmalıyıq”.

Xatırladaq ki, qitənin ən nüfuzlu klub turnirinin 1/4 finalının ilk matçında Münhen təmsilçisi Premyer Liqa klubuna 0:3 hesabı ilə məğlub olub. Cavab qarşılaşması aprelin 19-da, Almaniyada keçiriləcək.