“Bu şərtlərlə transfer həyata keçirə bilmərik” – Qvardiola

İngiltərə Premyer Liqasının 10-cu turu çərçivəsində “Aston Villa”ya 3:0 hesabı ilə qalib gələn “Mançetser Siti”nin baş məşqçisi Pep Qvardiola açıqlama verib.

Komanda.az İngiltərə mətbuatına istinadən xəbər verir ki, ispan mütəxəssis, qış fasiləsində transfer etməyəcəklərini bildirib:

“Qarşıdakı aylar üçün narahatam, çünki əlimdə kifayət qədər futbolçu yoxdur. Buna baxmayaraq, düşünürəm ki, qış fasiləsində transfer etməyəcəyik. Klub mənə uyğun transfer seçimləri təklif etməyib. Bu şərtlərlə transfer həyata keçirə bilmərik. Bundan başqa, qış fasiləsində klublar vacib futbolçularını satmazlar. Buna görə də, əlimizdə olan futbolçularla mövsümü tamamlayacağıq”.

Premyer Liqada keçirdiyi 10 turdan sonra 22 xal toplayan “şəhərlilər”, turnir cədvəlinin 2-ci pilləsində qərarlaşıb.