Son oyunda heç-heçə

Futbol üzrə İngiltərə Premyer Liqasında 34-cü tura yekun vurulub.

Komanda.az xəbər verir ki, turun ilk matçında “Mançester Yunayted” Londonda “Arsenal”la qarşılaşıb. Dörd qolun qeydə alındığı oyunda “qırmızı şeytanlar” məğlubiyyətə üzülüblər.

Lider “Mançester Siti” bu turda “Uotford”u qəbul edib. “Şəhərlilər” bu oyunda darmadağına seviniblər. Səfərdə “Norviç Siti” ilə qarşılaşan “Nyukasl” da darmadağınla qalib gəlib. “Brentford” – “Tottenhem” və “Lester Siti” – “Aston Villa” matçlarında isə qol qeydə alınmayıb.

Bazar günü daha dörd qarşılaşma baş tutub. Dörd qolun qeydə alındığı “Brayton” – “Sauthempton” matçında qalib müəyyənləşməyib. “Bernli” doğma meydanda “Vulverhempton”u minimal hesabla üstələyib. “Çelsi” də “Vest Hem”lə ev oyunundan tək qolla qalib ayrılıb. Çempionluq uğrunda mübarizə aparan “Liverpul” isə “Everton” üzərində inamlı qələbəyə sevinib.

Turun son matçında – “Kristal Pelas”la “Lids”in matçında hesab açılmayıb.

İngiltərə Premyer Liqası, 34-cü tur

23 aprel

Arsenal – Mançester Yunayted 3:1
Qol: N.Tavares, 3. Saka, 32-pen. Caka, 70 – Ronaldo, 34.

Lester – Aston Villa 0:0

Mançester Siti – Uotford 5:1
Qol: Q.Xesus, 4; 23; 49; 53. Rodri, 34 – H.Kamara, 28.

Norviç – Nyukasl 0:3
Qol: Joelinton, 35; 41. B.Gimaraynş, 49.

Brentford – Tottenhem 0:0

24 aprel

Bernli – Vulverhempton 1:0
Qol: Vidra, 62.

Brayton – Sauthempton 2:2
Qol: Uelbek, 2. Salisu, 44-öz qapısına – Uard Prouz, 45+4; 54.

Çelsi – Vest Hem 1:0
Qol: Pulişiç, 90.

Liverpul – Everton 2:0
Qol: Robertson, 62. Oriqi, 85.

25 aprel

Kristal Pelas – Lids 0:0