“Qazandığımız üç xal qızıla bərabərdir” – Xavi

“Barselona”nın baş məşqçisi Xavi İspaniya La Liqasının 16-cı turu çərçivəsində keçirilən “Atletiko” ilə matçı (1:0) şərh edib.

Komanda.az DAZN-a istinadən xəbər verir ki, o, mənəvi üstünlük qazandıqlarını vurğulayıb:

“Qazandığımız üç xal qızıla bərabərdir. Rəqib çox ciddi təzyiq göstərdi, amma biz sona qədər mübarizə apardıq. Qapımızı toxunulmaz saxlaya bildik. Yaxşı oynamasaq da, qələbə qazandıq.

Bu, sadəcə üç xal deyil. Eyni zamanda, mənəvi üstünlükdür. Komanda ilə birlikdə çox çətin anlar yaşadıq. Biz böyük ailəyik. La Liqada çempionluğa iddialı olmaq üçün hər şey edirik”.

Kataloniya təmsilçisi İspaniya La Liqasının turnir cədvəlində 41 xalla liderdir.