“Qarabağ”ın “Ludoqorets”lə oyunlarının vaxtı məlum olub

“Qarabağ”ın UEFA Çempionlar Liqasının 3-cü təsnifat mərhələsində Bolqarıstanın “Ludoqorets” klubu ilə oyunlarının vaxtı dəqiqləşib.

Komanda.az klubun mətbuat xidmətinə istinadən xəbər verir ki, avqustun 6-da Tofiq Bəhramov adına Respublika stadionundakı ilk matç saat 20:00-da start götürəcək.

Səfərdəki cavab görüşü avqustun 13-də Bakı vaxtı ilə saat 22:00-da başlayacaq.

Azərbaycan çempionu əvvəlki mərhələdə Cəbəllütariqin “Linkoln” komandasını, rəqib isə Belarusun “Dinamo” (Minsk) klubunu mübarizədən kənarlaşdırıb.