“Qarabağ”da yeni futbolçu

“Qarabağ” klubu ilk transferini yekunlaşdırıb.

Komanda.az xəbər verir ki, Ağdam təmsilçisinin Adama Diakabi ilə danışıqları başa çatıb.

Dünən tibbi müayinədən keçən futbolçunun səhhətində problem aşkarlanmayıb. Bütün prosedurlar başa çatdığından, azad agent statusuna malik olan futbolçu ilə 2,5 illik müqavilə imzalanıb. Komandanın Antalyadakı düşərgəsində olan futbolçunun transferinin tezliklə açıqlanması gözlənilir.

Böyük ehtimalla, futbolçu bu gün “Qarabağ”ın yoxlama görüşündə meydana çıxacaq. Ağdam klubu Polşanın “Rakuv” komandası ilə qarşılaşacaq.

Fransanın U-21 milli komandasında çıxış etmiş vinger ölkəsində “Kan”, “Amyen”, “Monako”, “Renn”, İngiltərənin “Haddersfild” və “Nottingem Forest” klublarında çıxış edib.