“Qarabağ” yeni transferi rəsmən açıqladı

“Qarabağ” qapıçı Andrey Lunyevin transferini rəsmən açıqlayıb.

Komanda.az xəbər verir ki, klub “Xoş gəldin, Andrey Lunyev” yazaraq transferi təqdim edib.

Lunyev karyerası ərzində “Torpedo”, “İstra”, “Kaluqa”, “Saturn Ramenskoye”, “Ufa”, “Zenit” komandalarında da oynayıb. O, son klubu “Bayer”də 2021-ci ildən çıxış edirdi və may ayında komandadan ayrılıb.

Andrey Rusiyanın əsas millisində 7 oyun keçirib.

Xatırladaq ki, daha öncə “Qarabağ”ın baş meneceri Asif Əsgərov 32 yaşlı qolkiperlə 1+1 sxemi üzrə müqavilə imzaladıqlarını bildirmişdi.