“Qarabağ” – “Lion” oyununa satılan biletlərin sayı açıqlanıb

UEFA Avropa Liqasının Liqa mərhələsində keçiriləcək “Qarabağ” – “Lion” (Fransa) oyununa satılan bilet sayı məlum olub.

Komanda.az kluba istinadən xəbər verir ki, qarşılaşmanı izləmək istəyən 17500 azarkeş bilet alıb.

Tofiq Bəhramov adına Respublika stadionunda keçiriləcək matçın biletlərinin qiyməti müvafiq olaraq 5, 20, 30, 40, 75 və 150 manat təşkil edir.

VVIP C və VVIP D sektorlara bilet alan tərəfdarlar, VIP Lounge üstünlüklərindən yararlana bilərlər. Həmin sektorlara biletin qiyməti 300 manatdır.

Noyabrın 28-də saat 21:45-də başlayacaq oyunda qapılar azarkeşlər üçün matçın start fitindən 2 saat əvvəl açılacaq.