“Qarabağ” – “Dinamo” matçının başlama saatı dəqiqləşib

“Qarabağ”ın Bakıda Xorvatiyanın “Dinamo” komandasına qarşı keçirəcəyi UEFA Çempionlar Liqasının pley-off mərhələsinin cavab oyununun başlama saatı dəqiqləşib.

Komanda.az xəbər verir ki, bu barədə Zaqreb təmsilçisinin mətbuat xidməti məlumat yayıb.

Avqustun 28-də Tofiq Bəhramov adına Respublika stadionunda keçiriləcək qarşılaşma saat 20:45-də start götürəcək.

Xorvatiyadakı ilk görüş isə avqustun 20-də, Bakı vaxtı ilə saat 23:00-da başlayacaq.

Azərbaycan çempionu 3-cü təsnifat mərhələsində Bolqarıstan təmsilçisi “Ludoqorets”i mübarizədən kənarlaşdırıb. Bakıda rəqibinə 1:2 hesabı ilə uduzan “köhlən atlar” səfərdəki matçın əsas vaxtında 3:2 hesabı ilə qalib gəlib. Əlavə vaxtda rəqibinə dörd qol vuran “Qarabağ” 7:2 hesablı qələbəyə sevinib.