“Qarabağ” daha aqressiv idi” – “Viktoriya”nın baş məşqçisi

“Viktoriya” (Plzen) klubunun baş məşqçisi Zdenek Beçka “Qarabağ”la qarşılaşdıqları yoxlama oyunundan sonra fikirlərini bildirib.

Komanda.az xəbər verir ki, klubun saytına danışan Beçka, 2:2 hesabıyla bitən görüşü belə şərh edib:

“İlk hissə düşündüyümüz kimi keçmədi. Oyunun gedişində bir neçə taktiki dəyişiklik etdik. Ancaq uğurlu ola bilmədik. “Qarabağ” daha aqressiv idi.

Sonra 4-2-3-1 taktiki sxemimizə qayıtdıq. Bir neçə futbolçunu əvəzlədikdən sonra oyun dəyişdi. Ehtiyatdakı futbolçuların oyuna qoşulması yaxşı oldu. Bu, rəqabəti artırır və heç kim əsas heyətdəki yerindən əmin olmur”.