“Qarabağ” Almaniyaya ciddi itki ilə yollanacaq

“Qarabağ”ın yarımmüdafiəçisi Marko Yankoviç zədələnib.

Komanda.az xəbər verir ki, bu barədə baş məşqçi Qurban Qurbanov məlumat verib.

28 yaşlı futbolçu Monteneqro milli komandasının heyətində sıradan çıxıb. Yankoviçin “Bayer”lə matçda meydana çıxmayacağı dəqiqləşib. O, ən az 2 həftə yaşıl meydanlardan uzaq qalacaq.

“Qarabağ” Avropa Liqası qrup mərhələsinin üçüncü turunda səfərdə “Bayer”in qonağı olacaq. Qarşılaşma 26 oktyabr tarixində, saat 23:00-da start götürəcək.