“Qalatasaray”da 5 illik müqavilə

“Qalatasaray” baş məşqçisi Fatih Terimin müqaviləsinin müddətini artırıb.

Komanda.az xəbər verir ki, “sarı-qırmızılar” türkiyəli mütəxəssislə müddəti 2024-cü ilə qədər olan yeni sözləşmə imzalayıb. Bu barədə Türkiyə mətbuatı məlumat yayıb. Terimin illik 3 milyon avro məvacib alacağı bildirilir.

65 yaşlı baş məşqçi 2017-ci ilin dekabrından “Qalatasaray”ı çalışdırır. Terimin “cim-bom”la əvvəlki müqaviləsi 2021-ci ilin yayına qədər idi.