“Qalatasaray”ın prezidenti “Barselona”nı keçməyin mükafatını açıqladı

“Qalatasaray” Avropa Liqasının 1/8 finalında “Barselona” səddini keçsə, futbolçuları pul mükafatı alacaq.

Komanda.az Türkiyə mətbuatına istinadən xəbər verir ki, İstanbul klubunun prezidenti Burak Elmas 1/4 finala vəsiqə qazanacaqları təqdirdə, futbolçulara ümumilikdə 650 min avro mükafat ayrılacağını deyib.

Bu gün keçiriləcək “Qalatasaray” – “Barselona” matçı Bakı vaxtı ilə saat 21:45-də başlayacaq. İlk oyun qolsuz bərabərliklə başa çatıb.