“Oyun sayı azaldılmalı, futbolçulara istirahət verilməlidir” – Mbappe

PSJ-nin və Fransa millisinin futbolçusu Kilian Mbappe dünya çempionatının iki ildən bir keçirilməsi ideyasına münasibət bildirib.

Komanda.az xəbər verir ki, ESPN telekanalına danışan Mbappe, bunları söyləyib:

“İki ildən bir dünya çempionatı? Bunun düzgün və ya səhv fikir olduğunu deyə bilmərəm. Dünya çempionatı dörd ildən bir keçirilən möhtəşəm turnirdir. İki ildən bir olsa, artıq sadə bir yarış olacaq.

İldə 60 oyun oynayırıq və çoxlu turnirlərə qatılırıq. Oynamağı sevirik, amma qrafik sıxdır və oyun sayı çoxdur. Yüksək keyfiyyətli futbolçu görmək istəyirsizsə, oyun sayı azaldılmalı, futbolçulara istirahət verilməlidir”.