PSJ-nin prezidenti: “Mbappe inanılmaz oyunçu və fantastik insandır”

PSJ-nin prezidenti Nasser Əl-Xələfi komandanın hücumçusu Kilian Mbappe haqqında fikirlərini bölüşüb.

Komanda.az “Record Portugal”-a istinadən xəbər verir ki, klub rəhbəri fransalı forvardı “fantastik insan” adlandırıb:

“Kilian Mbappe inanılmaz oyunçu və fantastik insandır. Komandada heç vaxt həm meydanda, həm də meydandan kənarda bu qədər birlik olmamışdı”.

Mbappenin PSJ ilə müqaviləsi 2024-cü ilin iyununda başa çatacaq. “Transfermarkt” portalı onu 180 milyon avro qiymətləndirir. Mbappe bu mövsüm Liqa 1-də 3 oyunda iştirak edib və 5 qol vurub.