“Özüm qol vurum deyə bir hədəfim yoxdur” – Mbappe

PSJ-nin futbolçusu Kilian Mbappe Çempionlar Liqasında “Brügge”ni (Belçika) məğlub etdikləri oyundan sonra fikirlərini bildirib.

Komanda.az xəbər verir ki, 4:1 hesabıyla bitən matçda dubl edən Mbappe bunları söyləyib:

“Çempionlar Liqasında hər oyuna ciddi yanaşmaq lazımdır. Bütün futbolçular bunu başa düşür.

Yaxşı oynadıq və birlikdə qələbə qazandıq. Çempionlar Liqasında iki aylıq fasilə yaranacaq. Bu zamanı dəyərləndirib, çox çalışmalıyıq.

Komandaya kömək etmək istəyirəm. Əsas özüm qol vurum deyə, hədəfim yoxdur. Komandam üçün hər şey edirəm. Əsas olan qələbə qazanmaqdır”.