PSJ Mbappeyə ultimatum verdi!

PSJ hücumçu Kilian Mbappeyə ultimatum verib.

Komanda.az xarici KİV-ə istinadən xəbər verir ki, Paris klubu futbolçunun müqaviləni uzatmağa razı olub-olmaması ilə bağlı dəqiq mövqeyini öyrənmək istəyir. 24 yaşlı fransalı bundan imtina etsə, bu yay satılacaq.

İyunun 23-də “Real”ın cari transfer pəncərəsində Mbappeni 250 milyon avroya almağa razılaşdığı açıqlanıb.

PSJ Mbappeni 2017-ci ilin avqustunda “Monako”dan icarəyə götürüb və bir il sonra futbolçunu 180 milyon avroya alıb. O, 2022/23 mövsümündə PSJ-nin heyətində bütün yarışlarda 43 matçda 41 qol vurub və 10 məhsuldar ötürmə edib.

Mbappenin klubla müqaviləsi 2024-cü ilin iyun ayının sonuna kimi qüvvədədir.