PSJ-dən Messi ilə bağlı təkzib

Fransanın PSJ klubu Lionel Messinin komandanı tərk edəcəyi ilə bağlı iddialara aydınlıq gətirib.

Komanda.az xəbər verir ki, Paris təmsilçisinin yaydığı açıqlamada baş məşqçi Kristof Qaltyenin səsləndirdiyi fikirlər təkzib olunub.

Bildirilib ki, 57 yaşlı mütəxəssis vəziyyəti düzgün ifadə etməyib: “O, “Klermon”la matçın Messi və PSJ üçün cari mövsümdə sonuncu olacağını nəzərdə tutub”.

Messi 2021/2022 mövsümünün əvvəlində İspaniya “Barselona”sından PSJ-yə keçib. Cari mövsüm 40 oyunda meydana çıxan argentinalı forvard 21 qol və 20 məhsuldar ötürmə ilə yadda qalıb.