PSJ 3 futbolçunu azarkeşlərin qəzəbindən qorumaq üçün hərəkətə keçdi

PSJ narazı azarkeşlərindən qorunmaları üçün futbolçuların təhlükəsizliyini təmin etmək məqsədi ilə tədbirlər görüb.

Bundan əvvəl PSJ-nin ultras qrupu rəhbərliyin istefasını tələb edərək, klubun ofisinin qarşısına gəlmişdi. Onlar Lionel Messi, Neymar, Marko Verratti və klub prezidenti Nasser Əl-Xələfini klubdan getməyə çağırıblar. Azarkeşlər həmçinin Messini təhqir ediblər. Bundan sonra azarkeşlər Neymarın evinin önünə gedərək, “Neymar, çıx get!” deyə, şüarlar səsləndiriblər.

Komanda.az “RMC Sport”-a istinadən xəbər verir ki, bu hadisədən sonra PSJ klubun bazasında təhlükəsizliyi gücləndirib.

Bundan əlavə, azarkeşlərin qəzəbinə daha çox tuş gələn Messi, Neymar və Verrattinin evlərinin ətrafında təhlükəsizlik tədbirləri gücləndirilib.