Premyer Liqadan təklif aldığı deyilən Valverdedən açıqlama

“Real”ın yarımmüdafiəçisi Federiko Valverde İngiltərə klublarından birinə keçəcəyi ilə bağlı şayiələrə münasibət bildirib.

Komanda.az “Mundo Deportivo”-ya istinadən xəbər verir ki, uruqvaylı futbolçu hələ ki, Madrid klubunda qalmaq istədiyini deyib:

“Premyer Liqadan təklif gəlir? “Real”da oynamaq imkanım var. Bu dəyişdiyi gün, yəqin ki, başqa bir həll yolu axtaracam. Ya da, klub rəhbərliyi mənim üçün bu həll yolunu tapacaq”.

25 yaşlı Valverde 2016-cı ildən “Real”da çıxış edir.

“Real” La Liqada beş turdan sonra 15 xalla birinci yeri tutur. “Kral klubu” La Liqada bu mövsüm hələ ki, xal itirməyən yeganə komandadır.