Silva çempionluqdan əlini üzüb

“Mançester Siti”nin yarımmüdafiəçisi Bernardo Silva bu mövsüm çempionluğa inanmır.

Komanda.az “Sky Sports”-a istinadən xəbər verir ki, portuqaliyalı futbolçu reallığı qəbul etməli olduqlarını bildirib:

“Biz reallığı qəbul etməliyik, turnir cədvəlində altıncı yerdəyik. İndi hər matçda qalib gəlmək üçün növbəti oyuna diqqət yetirmək vacibdir və mövsümün sonuna kimi nəyə iddia edə biləcəyimizi görəcəyik. Çempionluq haqqında düşünmək üçün çox gecdir. İnsanlar həmişə deyirlər ki, yanvarda çempionluğu qazana bilməyəcəksən, amma uduzdura bilərsən, biz bunu etdik”.

“Mançester Siti” ehtiyatda bir oyunu olan lider “Liverpul”dan 12 xal geri qalır.