Poçettino: “Real”dan qorxmuruq”

PSJ-nin baş məşqçisi Maurisio Poçettino Çempionlar Liqasının 1/8 final mərhələsinin “Real”la cavab oyunundan gözləntilərini bölüşüb.

Komanda.az xəbər verir ki, UEFA-nın rəsmi saytına danışan argentinalı mütəxəssis, “Real”dan qorxmadıqlarını bildirib:

“Əsas məsələ ilk oyunda əldə etdiyimiz üstünlüyü qorumaqdır. “Real”a böyük hörmətimiz var. Onlar bu turnirdə 13 dəfə qalib gəliblər. Bu, təsadüfi deyil. Amma biz “Real”dan qorxmuruq. Çalışacağıq öz futbolumuzu oynayaq. Bilirik ki, diqqətimizi cəmləməliyik. Futbolçularımız və azarkeşlərimiz bu turnirdə çempion olmağa layiqdirlər. Amma əvvəlcə 1/4 finala yüksəlməyə çalışmalıyıq”.

PSJ Fransada keçirilən ilk oyunda 1:0 hesabı ilə qalib gəlib. Cavab matçı bu gün, saat 00.00-da başlayacaq.