“Penalti bizim üçün hədiyyə kimi oldu” – Roberto Bordin

“Neftçi”nin baş məşqçisi Roberto Bordin Azərbaycan Premyer Liqasının 22-ci turu çərçivəsində “Keşlə”yə qarşı keçirdikləri oyunu şərh edib.

Komanda.az xəbər verir ki, italiyalı mütəxəssis 1:0 hesabıyla qalib gəldikləri oyundan sonra təşkil olunan mətbuat konfransında bunları deyib:

• Oyundan əvvəl bilirdik ki, bizi çətin matç gözləyir. Penalti qolu sayəsində qələbə qazandıq. Penalti bizim üçün hədiyyə kimi oldu. Futbolçularımı təbrik edirəm.
• Oyunun bu dərəcədə gərgin, çətin keçəcəyini gözləyirdiz?
• Meydan amili oyunu çətinləşdirirdi. Bu, hər iki komandaya təsir göstərirdi. Bu çətinliyə baxmayaraq, biz öz oyunumuzu göstərməyə çalışdıq və ədalətli qələbə qazandıq.
• Mirabdulla Abbasov oyuna daxil olanda sanki həvəssiz idi. Bu, onun start heyətində meydana çıxmaması ilə bağlı ola bilər?
• Ola bilər oyuna fərqli baxmışıq. Düşünmürəm ki, Mirabdulla oyunda həvəssiz idi. Həm müdafiədə, həm də hücumda komandaya kömək etdi.
• “Qarabağ”ın “Sumqayıt” səfərində xal itirəcəyini gözləyirsiz?
• Əlbəttə ki, çempionatın hər bir oyunu çətin keçir. Mən yalnız öz komandamın oyunu haqqında düşünürəm. Hazırda qələbəni qeyd etməliyik. “Qarabağ” xal itirəcək, itirməyəcək bu, hazırda vacib deyil.

Aygül Qarayeva