Paytaxt klubunda yeni müqavilə

İtaliyanın “Latsio” klubu müdafiəçisi Ştefan Radu ilə müqavilənin müddətini artırıb.

Komanda.az xəbər verir ki, bu barədə paytaxt klubunun mətbuat xidməti məlumat yayıb.

34 yaşlı rumıniyalı futbolçu ilə yeni müqavilə 2022-ci ilin yayına qədər nəzərdə tutulub. Əvvəlki sözləşmənin müddəti bu yaya kimi idi.

Qeyd edək ki, Ştefan Radu 2008-ci ildən “Latsio”da çıxış edir. Rumıniya yığmasının sabiq üzvü İtaliya klubunda bütövlükdə 412 matça çıxıb, 8 qol vurub, 21 məhsuldar ötürmə edib. Təcrübəli futbolçu 2005-2008-ci illər aralığında da yetirməsi olduğu Buxarest “Dinamo”sunda forma geyinib.