“Ordu” heyətinə daha bir basketbolçu qatıb

Azərbaycan Basketbol Liqasının debütantı “Ordu” klubu heyətinə daha bir oyunçu qatıb.

Klubun mətbuat xidmətindən Komanda.az-a verilən məlumata görə, Ramazan Qarayevlə 1 illik müqavilə imzalanıb.

205 sm boya malik oyunçu son mövsümü “Sərhədçi” komandasında keçirib.

Xatırladaq ki, “Ordu” klubu daha öncə Roki Blanko, Camaure Qreqq, Emil Əliyev, Rüstəm Əliyev, Ramme Qriffin, İsa Pop, Səid İsmayılov, Əlibəy Məmmədli, Caylen Tomas, Əli Həsənov və Vladimir Markovetski ilə müqavilə bağlayıb.