“Barselona” arzulayır, “Real” transfer etmək istəyir

“Barselona” çətin ki, Trent Aleksander-Arnold və Alfonso Deyvis uğrunda yarışda “Real”la rəqabət aparsın.

Komanda.az “Mundo Deportivo”-ya istinadən xəbər verir ki, katalonoyalılar həqiqətən Trent və Deyvisi bəyənirlər, ancaq onlar üçün ciddi bir təklif verə bilməyəcəklər. Onların maliyyə tələbləri “Barsa” üçün çox yüksəkdir.

Hər iki müdafiəçinin müvafiq olaraq “Liverpul” və “Bayern”lə müqavilələri cari mövsümün sonunda başa çatacaq. “Real” uzun müddətdir ki, ingiltərəli və kanadalı oyunçularla müqavilə imzalamaqda maraqlıdır, “Barselona” da iddiaçılar arasındadır.

“Liverpul” və “Bayern” futbolçuları ilə müqavilələrini uzatmaq cəhdlərindən əl çəkmir.