“…hazır olun” – Kriştiano Ronaldo

“Yuventus”un futbolçusu Kriştiano Ronaldo, Çempionlar Liqasının 1/8 finalında “Atletiko”yla qarşılaşacaqları oyun haqda fikirlərini bildirib.

Komanda.az xarici mətbuata istinadən xəbər verir ki, portuqaliyalı hücumçu, ilk oyunda 0:2 hesabıyla məğlub olmaqlarına baxmayaraq, növbəti tura yüksələ biləcəklərini deyib:

“Çox yaxşı mövsüm keçiririk. A Seriyasında zirvədəyik və ikinci pillə ilə aramızda 16 xallıq fərq var. İtaliya superkubokunda da “Milan”ı məğlub etdik. İndi isə əsas hədəfimiz Çempionlar Liqasının qalibi olmaqdır.

“Atletiko” güclü komandadır. Hamı yaxşı müdafiə olunduqları bilir, ancaq biz bu oyuna hazırıq. İlk oyunda heç kim “Atletiko”nun qələbə qazanacağını gözləmirdi. Cavab oyununda da hər şey ola bilər.

Yaxşı komandayıq və özümüzə inanırıq. Bizim üçün xüsusi bir gecə ola bilər. Azarkeşlərimizdən də bizə inanmalarını istəyirəm. Onların köməyinə ehtiyacımız var. Geri dönüşə hazır olun”.

“Yuventus” – “Atletiko” matçı martın 12-də, saat 00:00-da start götürəcək. Komandalar arasında Madriddə keçirilən ilk görüşdə “Atletiko” 2 cavabsız qolla qələbə qazanıb.