Laportadan “Bayern”ə – “Hesabınıza köçürdüyümüz pulu yoxlayın”

“Bayern”in baş məşqçisi Yulian Naqelsmannı “Barselona”nın pulu olmadığı halda milyonlarla dollarlıq transfer əməliyyatları aparması təəccübləndirib.

Komanda.az “Marca”-ya istinadən xəbər verir ki, “Barselona”nın prezidenti Xuan Laporta Naqelsmannın bu fikirlərinə münasibət bildirib:

“Mən onlardan hesablarını yoxlamalarını xahiş edərdim. Onlar artıq Robert Levandovskinin keçidi ilə bağlı əhəmiyyətli transfer pulları alıblar. Mən hər kəsə hörmət edirəm və başqalarının işinə qarışmıram. Qoy, onların hesabına köçürdüyümüz pulu yoxlasınlar”.

“Barselona”nın Levandovskinin transferi üçün 45 milyon avro ödədiyi məlumdur. Həmçinin, 5 milyon avro bonus olaraq ödənilə bilər.

Bizi Telegramda izləyin