“Media ilə münasibəti yaxşıdır, nə istədiyini bilir”

“Milan”ın hücumçusu Olivye Jiru Fransa millisindəki komanda yoldaşı Kilian Mbappe haqda danışıb.

Komanda.az “Ekip” nəşrinə istinadən xəbər verir ki, o, PSJ-nin hücumçusunun kapitanlıq sarğısına sahib çıxmasından söz açıb:

“Kilian gələcək nəsil futbolçularla yaxşı əlaqə qurur. O, həmin nəsil arasında ən qiymətli bağdır. Media ilə münasibəti yaxşıdır, nə istədiyini bilir.

Soyunub-geyinmə otağında ictimaiyyət arasında danışdığı nitqdən daha yaxşı performans sərgiləyir. Mbappe kapitan olmaq istəyirdi. Bunu bacardı”.

36 yaşlı forvard “Atletiko”nun fransalı hücumçusu Antuan Qrizmann haqda da fikir bildirib:

“O, milli komandanı hər şeydən üstün tutur”.

Xatırladaq ki, martın 21-də Mbappe Fransa yığmasının əsas, Qrizmann isə vitse-kapitanı seçilib.