“Neftçi” – “Rapid” oyunu xorvatiyalı hakimlərə tapşırıldı

“Neftçi”nin Avropa Konfrans Liqasının 3-cü təsnifat mərhələsi çərçivəsində Avstriyanın “Rapid” (Vyana) komandasına qarşı keçirəcəyi ilk oyunun hakim təyinatları açıqlanıb.

Komanda.az xəbər verir ki, UEFA Bakıda baş tutacaq ilk oyunu Xorvatiyadan olan hakimlərə həvalə edib.

Baş hakim Dario Bel olacaq. Ona yan xətt hakimləri Maryan Tomas və Kristian Novosel yardım edəcək. Dördüncü hakim funksiyasını isə Patrik Kolariç yerinə yetirəcək.

Avqustun 4-də “Bakcell Arena”da keçiriləcək “Neftçi” – “Rapid” matçına saat 21:00-da start veriləcək. Cavab qarşılaşması isə avqustun 11-də Budapeştdə baş tutacaq. Bakı vaxtı ilə saat 22:30-da başlayacaq həmin oyunun hakimləri hələ açıqlanmayıb.