“Neftçi” Polşa klubunun hücumçusu ilə maraqlanır

“Neftçi” Polşanın “Motor” (Lublin) klubunun hücumçusu Samuel Mrazla maraqlanır.

Komanda.az “FutbolNews”-a istinadən xəbər verir ki, “ağ-qaralar” futbolçunu yayda azad agent kimi heyətinə qatacağını ehtimal etsə də, bu baş verməyib. Amma hücum xəttindəki problemlər Azərbaycan təmsilçisini məhz bu transfer pəncərəsində konkret addımlar atmağa vadar edib.

Bakılıların bu transfer üçün polşalılara müəyyən məbləğ ödəməyə hazır olduğu bildirilir.

27 yaşlı hücumçu “Qarabağ”ın da maraq dairəsindədir. Amma slovakiyalı forvard Ağdam təmsilçisinin transfer siyahısında prioritet deyil. Samuel Mrazın transfer dəyəri 700 000 avrodur. Onun Polşa klubu ilə müqaviləsi bu yay başa çatacaq.