“Napoli” “Yuventus”la yarışacaq – Niderlandlı futbolçu uğrunda

“Mançester Yunayted”in hücumçusu Coşua Zirkzenin İtaliyaya mümkün qayıdışı ilə bağlı müzakirələr davam edir.

Dəfələrlə bildirildiyi kimi, “Yuventus” Zirkze ilə maraqlanır, ancaq bu klub A Seriyasının yeganə maraqlı nümayəndəsi deyil.

Komanda.az xarici KİV-ə istinadən xəbər verir ki, “Napoli” niderlandlı oyunçu üçün üçün Turin klubu ilə rəqabət aparmaq niyyətindədir.

“Bolonya”nın keçmiş futbolçusu İngiltərəyə köçdükdən sonra ilk altı ay ərzində özünü “qırmızı şeytanlar”ın əsas heyətində möhkəmlədə bilməyib.

23 yaşlı forvard “Mançester Yunayted”də 25 oyunda 4 qol vurub və 2 məhsuldar ötürmə edib.