MY Osimhen üçün təklif göndərməyə hazırdır – Detallar məlumdur

“Mançester Yunayted” heyətini gücləndirmək üçün işlərə başlayıb.

“Qırmızı şeytanlar”ın maraqlandığı hücumçu Viktor Osimhen “Napoli”yə məxsusdur və hazırda icarə əsasında “Qalatasaray”da oynayır.

Komanda.az xarici KİV-ə istinadən xəbər verir ki, “Mançester Yunayted” 25 yaşlı Osimhen üçün “Napoli”yə 30 milyon avro və Coşua Zirkzeni təklif etməyə hazırdır. “Bolonya”nın keçmiş oyunçusu İngiltərədə yaxşı çıxış etmir və MY ondan ayrılmağa hazırdır. Lakin “Napoli”nin Osimhen üçün belə bir təkliflə razılaşacağı şübhəlidir. İtaliya təmsilçisi nigeriyalı futbolçunu tam olaraq – sadəcə pul qarşılığında satmağı üstün tutacaq. Osimhenin müqaviləsində yanvar ayında alış üçün 81 milyon avro, yayda isə 75 milyon avro göstərilib.