MS italiyalı futbolçu üçün 65 milyon avroluq təklif hazırlayıb

“Mançester Siti” bu gün misirli hücumçu Ömər Marmuşun transferini açıqlayıb.

“Şəhərlilər”in qış ​​transfer bazarında işi hələ bitməyib.

Komanda.az “La Gazzetta dello Sport”-a istinadən xəbər verir ki, İngiltərə çempionunun bu yaxınlarda “Yuventus”un müdafiəçisi Andrea Kambiaso ilə maraqlandığı haqda xəbərlər yayılıb.

Bir gün əvvəl “Mançester Siti”nin 24 yaşlı futbolçu üçün transfer təklifi hazırladığı barədə məlumat var. “Şəhərlilər” Kambiasonun transferi üçün 65 milyon avro təklif edəcək.

İtaliyalı müdafiəçi bu mövsüm “Yuventus”un heyətində 27 oyun keçirib.