Mourinyo üzr istədi

“Roma”nın baş məşqçisi Joze Mourinyo İtaliya A Seriyasının 20-ci turunun “Napoli” ilə matçını (1:2) şərh edib.

Komanda.az İtaliya mətbuatına istinadən xəbər verir ki, o, paytaxt təmsilçisinin qələbəyə layiq olduğunu dilə gətirib:

“Napoli”yə ən çox əziyyət verən, onları ən çox qorxudan komanda bizik. Bəzən futbolda ədalətsizliklər olur. Hətta bəzən elə olur ki, daha yaxşı oynayan komanda qalib gəlmir. Biz qələbəyə layiq idik.

İlk dəqiqədən etibarən yaxşı oynadıq. Viktor Osimhenin qolundan sonra ədalətsizliyi hiss etdik. Komandam çox yaxşı çıxış etdi. Yaxşı müdafiə olunduq və əla pressinq etdik. Nəticəyə görə üzr istəyirəm”.

Bu matçdan sonra 37 xala malik olan “canavarlar” turnir cədvəlinin altıncı, 53 xalı olan neapollular isə birinci pilləsində qərarlaşıb.