![](https://komanda.az/wp-content/uploads/2024/04/zirkze.jpg)
“Milan” niderlandlı hücumçunun transferi üçün görüş keçirəcək
“Milan” “Los-Anceles”ə keçmək üçün azad agent kimi klubdan ayrılan Olivye Jirunun yerinə yeni hücumçu axtarır.
Komanda.az xarici KİV-ə istinadən xəbər verir ki, Milan klubunun nümayəndələri yaxın vaxtlarda “Bolonya”nın hücumçusu Coşua Zirkzenin transferi ilə bağlı görüş keçirəcəklər.
“Milan” niderlandlı futbolçuya 5 il müddətinə, illik 5 milyon avro maaşla müqavilə təklif etməyə hazırdır. Digər klublar da forvardın xidmətində maraqlıdır, ona görə də, müqavilə bağlamaq asan olmayacaq.
“Bolonya”nın Zirkzenin transferi üçün 40-60 milyon avro civarında məbləğ tələb edəcəyi daha əvvəl bildirilirdi.
23 yaşlı forvard son A Seriyasında 11 qol vurub, 4 məhsuldar ötürmə edib.
Bizi Telegramda izləyin
Bizi Facebook-da izləyin