“Şou göstərən oyunçuları qorumaq lazımdır” – “Real”ın prezidenti

“Real”ın prezidenti Florentino Peres İspaniya kubokunun “Osasuna” ilə final matçından sonra (2:1) danışıb.

Komanda.az “Marca”-ya istinadən xəbər verir ki, o, turnirin çox rəqabətli keçdiyini bildirib:

“Çox rəqabətli turnir oldu. “Kasereno” (1/16 final, 0:1) bizə problem yaratdı. Sonra “Vilyarreal” (1/8 final, 2:3), “Atletiko” (1/4 final, 1:3) və “Barselona” ilə (1/2 final, 1:4) qarşılaşdıq.

“Osasuna” finalda möhtəşəm oynadı. Meydanda can qoydular, bunu xüsusilə qiymətləndirirəm.

Rodriqo Goesin üstünlüyü hələ çox gənc olmasıdır. O, uzun müddət bizi, azarkeşləri sevindirəcək. Vinisius Junior öz mövqeyində dünyanın ən yaxşı futbolçusudur. Hakimlərin ona vərəqə göstərməsini başa düşə bilmirəm. Şou göstərən oyunçuları qorumaq lazımdır”.

Paytaxt təmsilçisi tarixində 20-ci dəfə İspaniya kubokunu qazanıb. Kuboku ən çox “Barselona” muzeyinə aparıb – 31 dəfə.